ដូចដែលគ្នាយើងដឹងហើយថា ចាប់ពីខែមេសា ដល់ខែឧសភា សីតុណ្ហភាពនឹងហក់ឡើងដល់ជាង ៤០ អង្សារសេ ធ្វើឲ្យមនុស្សសត្វពិបាកទ្រាំ ងាយនឹងមានបញ្ហាសុខភាព ប្រសិនបើញ៉ាំចំណីអាហារ ផ្តេសផ្តាស ខ្វះអនាម័យ។
កន្លងមកក្រសួងសុខាភិបាល បានណែនាំឲ្យពលរដ្ឋប្រុងប្រយ័ត្ន មិនត្រូវញ៉ាំអាហារ និងភេសជ្ជៈមួយចំនួនពេលអាកាសធាតុក្តៅខ្លាំង ព្រោះអាចប៉ះពាល់ដល់សុខភាព ធ្វើឲ្យរាងកាយបាត់បង់ជាតិទឹកកាន់តែធ្ងន់ធ្ងរ។
– ស្រា៖ ការផឹកស្រា-ស្រាបៀរពេលអាកាសធាតុក្តៅបង្កឲ្យរាងកាយយើងបាត់បង់ជាតិទឹក ពីព្រោះស្រាធ្វើឲ្យយើងបញ្ចេញជាតិទឹកច្រើនតាមរយៈការនោម។
– ភេសជ្ជៈមានជាតិស្ករច្រើន៖ ញ៉ាំភេសជ្ជៈផ្អែមខ្លាំងនាំឲ្យបាត់បង់ជាតិទឹក ដោយសារជាតិស្ករចូលច្រោះតាមតម្រងនោម ធ្វើឲ្យទាញជាតិទឹក ដូច្នេះងាយនឹងបាត់បង់ជាតិទឹកពីក្នុងខ្លួន។
– ភេសជ្ជៈត្រជាក់ខ្លាំង៖ កំពុងតែក្តៅខ្លាំង ស្រាប់តែយើងញ៉ាំភេសជ្ជៈត្រជាក់ខ្លាំងនោះ អាចឲ្យយើងមានបញ្ហាបំពង់ក ឈឺទ្រូង ឈឺពោះជាដើម។
– អាហារក្តៅ និងប្រៃ៖ ធ្វើឲ្យទាញជាតិទឹកពីក្នុងខ្លួនច្រើន។
– ញ៉ាំអាហារច្រើនពេក៖ នាំឲ្យរាងកាយកាន់តែកើនកម្តៅ។
អកាសធាតុក្តៅងាយនឹងរាករូសបំផុត ដូច្នេះហើយក្រៅពីធ្វើតាមការណែនាំខាងលើ យើងត្រូវមានអនាម័យជានិច្ច និងត្រូវញ៉ាំទឹកឆ្អិនឲ្យបានច្រើន។
0 Comments